Қирғизистон Президенти Сўўрўнбай Жэнбеков бугун, 25-июл куни Жамоатчилик телерадиокомпаниясининг «Биринчи радио»сига интервю берди.
Дастур давомида Президентга бир қатор саволлар берилди.
– Баъзи давлатлар ҳозирги шароитда ҳалок бўлганлар хотираси учун миллий мотам куни деб эълон қилмоқдалар. Минг афсуски, бизнинг мамлакатимизда ҳам юртдошларимиз ушбу касаллик натижасида вафот этишмоқда.
– Ҳа, бу борада менинг фикрларим бор. Мен гапирмай деган эдим, маълумот бериб қўяй. 31 июль куни Қурбон ҳайити деб эълон қилинди.
Мен 30 июлни бутун мамлакат бўйлаб миллий мотам куни деб эълон қиламан. Насиб қилса, тегишли фармон имзоланади. Келинг, мотам куни вафот этган юртдошларимизга Қуръон ўқитайлик.
Яна бир бор вафот этган ватандошларимнинг оилаларига чуқур ҳамдардлик билдираман. Ҳар бир қирғизистонликнинг бошига тушган машаққатлари ва оғир жудоликлари менинг қалбимда. Қатта йўқотишларни бошдан кечирган ватандошларимга сабр ва жасорат тилайман. Марҳумларнинг жойлари жаннатда бўлсин дейман. Яратган Аллоҳ бизнинг Қирғизистонни қўллаб-қувватласин.
